De Groningse taal

Hier kan iedereen alles plaatsen over zaken die actueel en interessant zijn, maar niets met scheepvaart te maken hebben.
Gebruikersavatar
A.Kuiper/J.Pessoa/BR
Berichten: 100
Lid geworden op: 09 okt 2017 03:24

Re: De Groningse taal

Bericht door A.Kuiper/J.Pessoa/BR » 24 nov 2017 02:08

Veur Annie mit heur laif gezichtje
schreef Andrais 'n hail mooi gedichtje.
Moar 'n verske wol ze nait!
Doarom ging zai mit Pait.
''k Heb laiver 'n smok', zee 't wichtje.


Oal wicht
'Trouwen... dat 's 'n mooi gebruuk
en vrijen zo en verkeern!'
zo zee 't oal wicht; ze haar geliek,
en... ze wol 't ook ja zo geern!


Fifty Fifty
De bovenmeester nuimde hom: ezel,
zien aigenste Voar: nuchtern kaalf.
Moar dou jong zok net in spaigel bekeek
zee e: ''t Is haalf om haalf!'


De vraauw het 'n dreiling kregen en staait trots bie de waige.
Komt heur klaine zeun en vragt:
'Motten wie ze olle drei hòllen moeke, of maggen wie ain oetzuiken'.

Gebruikersavatar
A.Kuiper/J.Pessoa/BR
Berichten: 100
Lid geworden op: 09 okt 2017 03:24

Re: De Groningse taal

Bericht door A.Kuiper/J.Pessoa/BR » 25 nov 2017 01:34

Nog 'n poar.

Op Grönnen

Al gait het schip ook nog zo schaif,
Ik hol mien Grönnen altied laif!
Van alle streken, woar ik kom,
Gain ain, dei 't van Grönnen won!
Want krintjebrei en dikke room,
Sekoadekouk en molleboon
En Poaskestoet en lekkeris,
't Is Grönnen woar 't te vinden is.


'tGait 'n boer as 'n swien:
Baident worden ze knorrende vet.


Boer,
Stait op loer
kikt om hörn van hut
of 't volk ook wat dut.



Boer is failliet en hangt zok op. Knecht overlòpt hom net op
tied en snidt taauw deur. Zoaterdags het hai twai gulden
minder ien 't puutje.
'Meneer', begunt hai, 'ik begriep nait...'
'Hest taauw kepot sneden, jong, aander keer most knuppen
mor lösmoaken'.

Gebruikersavatar
A.Kuiper/J.Pessoa/BR
Berichten: 100
Lid geworden op: 09 okt 2017 03:24

Re: De Groningse taal

Bericht door A.Kuiper/J.Pessoa/BR » 27 nov 2017 03:41

Kiek noar die zulf!

Woarum kiekst noar mie?
Omdat ik aans bin as doe?
Omdat ik aans denk as doe?
Omdat ik aans dou as doe?
Mag dat den nait?
Mout ik den aaltied doun
Wat 'n aander dut?
Wat 'n aander denkt?
Wat 'n aander goud vindt...?
Den bin 'k miezulf nait meer
Mor 'n aander...
Kiek noar die zulf!


't Grunnegers is 'n mooi toaltje
geschikt veur gedicht of verhoaltje.
En gaait 't recht deur zee
mit 't haart goud op stee
din komt het puntje bie 't poaltje.


Swaarde vrijdag (Black friday)

Boer Paiters staait in televisiezoak en verkoper het hom ol
vieftien zain loaten. Mit tong op schounen let verkoper
hom de leste zain. 'Dit is 'n biezunder koopke', rochelt hai,
'dizze kinnen ie kriegen veur de helft van de kataloges-
pries'.
Boer schut omhoog en zegt: 'Das goud mien jong. Wat kost
dei kataloges?'

Gebruikersavatar
A.Kuiper/J.Pessoa/BR
Berichten: 100
Lid geworden op: 09 okt 2017 03:24

Re: De Groningse taal

Bericht door A.Kuiper/J.Pessoa/BR » 28 nov 2017 02:45

'n Man in Schildwolde geboren,
Dij haar zien allozie verloren.
Hai zee, wait je wat,
Ik goa wonen in Stad,
Mit zicht op Martinitoren.


Lutjeke
=======
Sommege lu
kennen 't
zo mooi zeggen
dat je joe
schuldeg vuilen
as je nait krek
't zulfde doun
as zai doun
en krek zo
denken
as zai denken.

Gebruikersavatar
A.Kuiper/J.Pessoa/BR
Berichten: 100
Lid geworden op: 09 okt 2017 03:24

Re: De Groningse taal

Bericht door A.Kuiper/J.Pessoa/BR » 02 dec 2017 02:44

Sunnerkloas dij goie man,
trekt zien beste stappers an,
komt ter mit van Amsterdam
van Amsterdam noar Spanje
appeltjes van Oraanje
neuten van Muskoaten
smit e over stroaten,
lutje kinder kriegen wat
groten kriegen 'n schop veur 't gat.



Dij mie bejegen wil op 't beste
geft mie van kovvie 't eerste
en van thee 't leste.



Kiender ien klas mouten 'n kou ien 't gruinlaand taiken.
Meester: ,,Karel, woarom taikenst doe gain gras?''
Karel: ,,Dat het kou aal opvreten.''
Meester: ,,En woar is kou?''
Karel: ,,Wat denken ie zulf. Woar gain gras is doar wil ook gain kou wezen.''

Gebruikersavatar
rspeur
Berichten: 2891
Lid geworden op: 11 dec 2009 17:41
Locatie: Almere
Contacteer:

Re: De Groningse taal

Bericht door rspeur » 11 dec 2017 20:11

Voor de liefhebbers: DWDD had vandaag een item over Ede Staal.
Zijn zoon Jasper zat aan tafel, heeft geijverd voor plaatsing van de liedjes van Staal op Spotify, Marcel Hensema zong een lied van Staal.
René
Ik leit m'n tong hier altoid foin ofskrape

Plaats reactie

Wie is er online

Gebruikers op dit forum: Hingstman en 12 gasten